RENES

Organe kryesore të sistemit urinar. Gjenden në zgavrën e barkut, në murin e tij të prapmë, mbrapa peritoneumit. Qëndrojnë në mënyrë të pjerrët në çdo anë të shtyllës kurrizore, në nivelin e pjesës së poshtme të vertebrës XI të kraharorit, kurse nga poshtë në buzën e sipërme ose në mesin e vertebrës III të belit. Janë dy: e djathta dhe e majta. Kanë formën e kokrrës së fasules, ku dallojmë: dy faqe, dy buzë dhe dy skaje. Janë ndërtuar nga palca e veshkës (medulla renis) dhe korja e veshkës (cortex renis). Veshkat bëjnë filtrimin e gjakut duke formuar urinën. Gjithashtu sekretojnë enzimën e quajtur reninë.