ANEMIA APLASTIKE SEKONDARE

Anemi e cila shkaktohet nga pamundësia e palcës eshtërore për të formuar qeliza të gjakut. Kjo patologji prek të gjitha qelizat e gjakut. Shkaqet janë: kimioterapia, përdorimi i medikamenteve imunosupresive, terapia rrezatuese, helmet, (si: benzeni, arseni), shtatzënia, çrregullime të lindura, hepatiti infektiv, lupusi eritematoz sistemik. Manifestohet me: lodhje, zbehje, takikardi, takipne, hemorragji nga gingivat, hemorragji e prolonguar. Mjekimi i anemisë aplastike sekondare konsiston në transfuzion të gjakut ose, në rastet e rënda, transplantim të palcës së kockave.