FIBROZA CISTIKE

Sëmundje e trashëguar, e cila prek traktin respirator, traktin digjestiv dhe gjëndrat ekzokrine të trupit. Shkaktohet nga një defekt gjenetik. Në traktin respirator shfaqen patologji nga sekretimi i mukusit të trashë, duke rezultuar në infeksione kronike të mushkërive, ndërsa në traktin digjestiv shfaqet malabsorbimi i shkaktuar nga mungesa e enzimave të pankreasit. Manifestohet me infeksione persistente të mushkërive, kollë, humbje peshe, diarre, lodhje, splenomegali.