KOR (zemra)

Organ muskulo-kavitar i vendosur në qendër të aparatit kardiovaskular. Gjendet në kraharor, në mediastinin e përparmë, ndërmjet dy mushkërive sipër diafragmës. Është i mbështjellë me një këllëf të quajtur perikard. Ka formën e piramidës trekëndëshe, në të cilën dallojmë: bazën, majën, faqet dhe buzët. Zemra është e ndarë nga brenda në katër dhomëza, në dy atriume (i djathtë dhe i majtë) dhe dy ventrikuj (i djathti dhe i majti).