OBSTRUKSION URETRAL

Çrregullim që përfshin bllokimin e rrjedhjes së urinës nga fshikëza nëpërmjet uretrës. Te meshkujt shkaku më i shpeshtë është zmadhimi i prostatës, ndërsa te femrat cistocela (hernia e fshikës urinare). Shkaqe të tjera janë edhe tumoret e fshikës urinare, tumore të prostatës, prania e gurëve në sistemin urinar. Karakterizohet me pakësim të nxjerrjes së urinës, rrjedhje jonormale të urinës, inkontinencë, ulje të forcës së hedhjes së urinës, urinim natën, djegie gjatë urinimit, dhimbje në ije, hipertension, ndryshim të ngjyrë së urinës.